Новости

Сыл бастын уерэнээччитэ

Тохсунньу 14 күнүгэр "Айылгы" норуот айымньытын дьиэтигэр сылын аайы ыытыллар Ороһуоспатааҕы улуус баһылыгын баала ыытылынна. Манна улууспут үөрэҕин кыһаларыттан бастыҥтан бастыҥ, араас таһымнаах олимпиадалар, ааҕыылар, спортивнай күрэхтэр муҥутуур кыайыылаахтара, оскуола,нэһилиэк, улуус общественнай олоҕор көхтөөхтүк кыттар оҕолор ааттара ааттанан чиэстэннилэр.

Биһиги оскуолаттан 11 кылаас туйгун үөрэнээччитэ Дарина Толстоухова "Бастыҥ үөрэнээччи" аатын чиэстээхтик сүктэ. Дьоро тэрээһиҥҥэ "Чурапчы улууһа (оройуона)"МТ баһылыга С.А.Саргыдаев, Чурапчы улууһун үөрэҕин салалтатын салайааччыта Ю.П.Посельскай, "Чурапчы нэһилиэгэ" МТ баһылыга В.Д.Сивцев оҕолору эҕэрдэлээтилэр. Бастыҥ баҕа санааларын анаатылар. Даринаны итиитик-истиҥник эҕэрдэлиибит. Салгыы 11 үктэлин дьоһуннук дабайан, Биир Кэлим Эксээмэннэрин туйгуннук туттаран сөбүлүүр идэтин баһылаан, оскуолатын, нэһилиэгин, улууһун ааттатар киһи буоларыгар баҕарабыт!

Харыйабыт уота тыкта!

Билигин саамай кылгас күннээх уонна түүннээх кыыдааннаах кырыа кыһын кэмэ. Ол эрээри биһиги бу дьыл кэмин олус сөбүлүүбүт, тоҕо диэтэр бу бириэмэҕэ биһиэхэ сана дьылбыт салаллан кэлэр уонна кинини кытта үөрүү-көтүү, дьол-соргу, сана уларыйыы, дьоллоох түгэннэр тосхойоллор.

Кыһын Саха сириттэн саҕаланар бэстибээл биһиги өрөспүүбүлүкэбитигэр сылын аайы ыытыллар. Онон биһиэхэ Мугудай нэһилиэгэр Сана дьыл оскуолаттан саҕаланарын бэлиэтээн харыйабыт араас уотунан күлүмүрдүү тыкта!

Сана дьыл дьикти тыына биллибититтэн, о5олуун, учууталлыын бары тэҥҥэ үөрэбит!

 

 

Дополнительная информация