Новости

Саха тылын нэдиэлэтэ

tok1tok2

Саха тылын уонна литературатын учуутала Надежда Ильинична Мыреева үөрэнээччилэргэ саха суруйааччыларыгар, литературатыгар сыһыаннаах Т.О.К. (Толкуйдаа. Оонньоо. Кыай.) оонньуу ыытта. Оҕолор көхтөөхтүк кытыннылар.

Музей сэбиэдиссэйэ Күннэй Григорьевна Аммосова, бибилэтиэкэр Татьяна Гаврильевна
Макарова С.А.Новгородов олоҕун-дьаһаҕын, үлэтин-хамнаһын билиһиннэрэр музейнай,
библиотечнай уруоктары бары кылааһы барытын хабан ыыталлар. Араас оонньуулары
оонньотоллор.

Төрүт аскын аһыаҥ-уһун үйэлэниэҥ диэн өркөн өйдөөхтөр өссө былыр эппиттэрэ. Ас-үөл, аһылык, аһааһын киһи аймах баай култууратын сорҕото буолар. Билиҥҥи кэмҥэ өбүгэлэрбит туһалаах уонна иҥэмтэлээх астарын оҕо күннээҕи аһыыр аһын сорҕото оҥоруу, сөбүлээн сиир уонна билэр буоларыгар уһуйуу тоҕоостоох. Маннык тэрээһиннэр онно күүс-көмө буолаллар.

11 кылаас үөрэнээччитэ Ангелина Сивцева физическай культура предметигэр ВОШ
региональнай этабыгар кыттан саҕалаата. Ангелинаҕа ситиһиилэри баҕарабыт!!!

Саха былыр айылҕаҕа тапталын уонна ытыктабылын оҕолоругар оонньуу нөҥүө иҥэрэр этэ.
Сахаҕа сүөһүгэ сыһыаннаах бэрт элбэх оонньуулар бааллар: өһөс торбос, ат сүүрдүүтэ, оҕус уонна чөҥөчөк, ойбонтон уулааһын.
Саха нэдиэлэтэ салҕанар.
2020 сыл түмүгүнэн улуус оскуолаларын икки ардыларыгар күрэххэ ОСКУОЛАБЫТ I миэстэни ылары ситистэ��������������������Бу ситиһии коллектив бүттүүн дьаныардаах, таһаарыылаах,
айымньылаах үлэтин түмүгэ. Салгыы тэтими ыһыктыбакка, сайдыы саҥа саҕахтарын бииргэ арыйыаҕын, оҕо туһугар дьулуурдаах үлэбит үрдүк үрдэллэргэ сирдээтин, өй-санаа, билии-көрүү, өрөгөй чыпчаала үүнэ-үрдүү туруохтун��������

Үөрэнээччилэр сынньалаҥ кэмнэргэ, физкультура уруоктарыгар сахалыы оонньуулары
оонньууллар.
Ийэ тыл уонна Сурук-Бичик күнүгэр аналлаах Саха буолан сандаарыах, киһи буолан килбэйиэх диэн омукпут уратытын, сиэрин-туомун, үйэлэргэ муспут барҕа-баай культуратын өйдөтөр-үөрэтэр, иҥэрэр сыаллаах нэдиэлэ саҕаланна. Нэдиэлэтэ санатыгар сарсыарда оҕолору, үлэһиттэри арыылаах алаадьынан, алгыстаах тылынан ыраастаан, арчылаан көрүстүбүт. Нэдиэлэ устата араас күрэхтэр, быыстапкалар, саха төрүт оонньуулара, оһуохай, сахалыы амтаннаах ас күннэрэ ыытылыннылар.

Дополнительная информация