Новости

Саха буолан сандаарыах, киһи буолан килбэйиэх

Муус устар 1 күнүгэр "Саха буолан сандаарыах, киһи буолан килбэйиэх" ый уратытын, сиэрин-туомун билиһиннэрэр саха күнүн чэрчитинэн кыргыттары саталлаах хаһаайкалар буола улааталларыгар туһаайар дьоҕуру сайыннарыыга “Сайдыына” ийэлэр түмсүүлэриттэн саталлаах ийэлэр Е.Е. Захарова, У.Н. Кривошапкина, У.М. Попова, С.С.Толстоухова, И.А.Васильева үүнээйини олордууга, оҕуруонан киэргэл оҥоруутугар, күрүчүөгүнэн баайыыга маастар-кылаастары көрдөрдүлэр.Т.А.Жараева аатынан Мугудайдааҕы модельнай библиотека библиотекара Е.Д.Попова кыргыттарга дьоҕуру сайыннарар кинигэлэри билиһиннэрдэ кэпсээтэ. Ити күн оскуолабытыгар Аҕа күнүгэр аналлаах "Аҕа уонна уол" диэн күрэх өрө күүрүүлээхтик буолан ааста. Оскуола уолаттара 4 хамаандаҕа арахсан 6 түһүмэҕинэн - мас эрбээһин, тоһоҕо саайыы, чэй оргутуу, сыал ытыыта, викторина, весёлые старты күрэхтэстилэр. Күрэх сыала-соруга уол оҕону сатабылга, үлэҕэ үөрэтии, өй-санаа, эт-хаан өттүнэн дэгиттэр буоларыгар олук ууруу. Уолаттар бары көхтөөхтүк кыттан, көй салгыҥҥа сүүрэн-көтөн, дуоһуйан тарҕастылар. 

 

Дополнительная информация